|| ತುಳಸಿ ಪೂಜೆ ||
ಪೂಜಿಪೆ ಶ್ರೀ ತುಳಸಿ | ಶ್ರೀ ಹರಿಯರಸಿ | ಪೂಜಿಪೆ ಶ್ರೀ ತುಳಸಿ |
ಪೂಜಿಪೆನು ನಾ ಪಾದದಾಸಿ | ರಾಜಮಹಿಷಿ ರಾಜ್ಯದರಸಿ |
ಮೂಜಗದಿ ವಿಖ್ಯಾತೆ ಮನ್ನಿಸಿ | ಕಾವುದೈ ಬೇಡುವೆನು ವಂದಿಸಿ ||ಪ||
ಎಳೆ ಮಾವು ತಳಿರುಗಳಾ | ಕದಳಿಯು ಕಬ್ಬು | ಬಿಳಿದಾದ ಚಿಗುರುಗಳಾ |
ಜಲದೊಳಿರುತಿಹ ತಾವರೆಗಳಾ | ಚೆಲುವ ಕೇದಿಗೆ ಸಂಪಿಗೆಗಳಾ |
ಹಲವು ಸುಮ ಮಾಲೆಗಳ ಕೂಡುತ | ಮಂಟಪವ ರಚಿಸುತ್ತ ಮುದದಿ ||೧||
ಧ್ಯಾನ ಆವಾಹನವೂ | ಆಸನ ಪಾದ್ಯ | ಅರ್ಘ್ಯ ಆಚಮನಗಳೂ |
ಸ್ನಾನ ಗಂಧಾಕ್ಷತವು ಪುಷ್ಪವು | ಧೂಪ ದೀಪವು ನೈವೇದ್ಯಗಳೂ |
ಪಾನೀಯವು ತಾಂಬೂಲ ಕರ್ಪೂರ | ದಾರತಿಯ ನಾ ನೀಡಿ ಭಕ್ತಿಯೊಳು ||೨||
ಸರ್ವ ಮಂಗಳೆ ನೀ ಎನ್ನಾ | ಸರ್ವದಾ ಕಾಯೆ | ಗರ್ವವ ಹರಿಸಿ ಮುನ್ನ |
ಸರ್ವ ಕಷ್ಟವ ದೂರಪಡಿಸುತ | ಸರ್ವ ಭಾಗ್ಯವನಿತ್ತು ಕರುಣಿಸಿ |
ಸರ್ವರಂತರ್ಯಾಮಿ ಸೇವೆಯ | ಭಕ್ತಿಯನು ನೀ ನೀಡಿ ಸಲಹೈ ||೩||
Digital: Sudha Prasanna Vocal: Savita Chandrashekhara
Download: 
Havya Kaavya 