Krishnana Baalya:Vasudeva Devakiya….

|| ಕೃಷ್ಣನ ಬಾಲ್ಯಲೀಲೆ ||

ವಸುದೇವ ದೇವಕಿಯ ಬಸುರೊಳು ಜನಿಸಿದ |
ವಸುಧೆ ಪಾಲಕನಾದ ಶ್ರೀ ಹರಿಯ ಚರಿತೆಯ |
ವಸುಧೆ ಪಾಲಕ ಶ್ರೀ ಹರಿಯ ಚರಿತ್ರೆಯ |
ಕುಶಲದಿಂದಲಿ ಕೇಳಿ ಜನರೆಲ್ಲ | ಹರುಷದಿ||೧||

ಗೋಕುಲವನು ಸೇರಿ | ಗೋಪಿಯ ಗೃಹದಿ |
ಅನೇಕ ಲೀಲೆಯ ತೋರುತ್ತಿರಲೊಂದು ದಿನವಂದು |
ಗೋಪ ಗೋಪಿಯರುಲ್ಲಾಸದೊಳಿರುತಿರೆ |
ಬೇಕೆಂದೆ ಅಡಗಿದ ಗೃಹದೊಳಗೆ | ಹರಿ ತಾನು ||೨||

ಹೊತ್ತು ಬಹಳಾಯಿತು ಎತ್ತ ಪೋದೆಯೊ ಎಂದು |
ಅತ್ತಿತ್ತ ಹುಡುಕಿ ನೋಡಿದಳಂದು | ಮನನೊಂದು |
ಸುತ್ತಲು ಹುಡುಕುತ್ತ ಮನದೊಳು ಮಿಡುಕುತ್ತ |
ಹೊಸ್ತಿಲೊಳಗೆ ನಿಂದು ಕರೆದಾಳೆ ಕುವರನ ||೩||

ಉಡುಗೆ ಪೀತಾಂಬರ ನಡುವಿನ ನ್ಯಾವಾಳ |
ಒಡನೆ ಇಡಿಸುವೆ ಕೌಸ್ತುಭ ಹಾರ ನಿನಗೀಗ |
ಒಡನೆ ಕೌಸ್ತುಭವನು ಇಡಿಸಿ ಮುದ್ದಿಸುವೆ |
ಎನ್ನೊಡೆಯನೆ ಬಾರೆಂದು ಕರೆದಾಳೆ ಕುವರನ ||೪||

ಆಡ ಪೋಗಿಯೆ ನೀನು ಕಾಡ ಕಿಚ್ಚನೆ ನುಂಗಿ |
ಕಾಡಿನೊಳಗೆ ಮಿಂದು ದಣಿದೆಯೊ ಎನುತಾಲೆ |
ಕಾಡಿಗಂಜಿದರಿನ್ನು ನೋಡುವರ್ಯಾರಿಲ್ಲೆ |
ದೇವರ ದೇವ ನೀ ಬಾರೆಂದೆ ಕರೆದಾಳೆ ||೫||

ಅಂದುಗೆ ಕಿರುಗಜ್ಜೆ ಗಿಲುಕೆಂಬ ರಭಸದಿ |
ಬಂದು ಕಾಳಿಂಗನ ಹೆಡೆಯ ಮೇಲೆ ಹರುಷದಿ |
ಬಂದು ಕಾಳಿಂಗನ ಹೆಡೆಯ ಮೇಲಾಡ್ವ |
ಗೋವಿಂದನೆ ಬಾರೆಂದು ಕರೆದಾಳೆ ಕುವರನ ||೬||

ಬಿಸಿಲಿನ ತಾಪದಿ ಬಸವಳಿದೆಯೊ ನೀನು |
ಬಿಸಿಹೋಳಿಗೆ ತುಪ್ಪ ಬಡಿಸುವೆ ಎನುತಾಲೆ |
ಬಿಸಿ ಹೋಳಿಗೆ ಮೊಸರನ್ನವ ಬಡಿಸುವೆ |
ಹಸುಳನೆ ಬಾರೆಂದು ಕರೆದಾಳೆ ಒಳವಿಗೆ ||೭||

ಕುಸುಮಲೋಚನ ತಾನು ನಸುನಗೆಯಿಂದಲಿ |
ಬಿಸಿಹೋಳಿಗೆ ತುಪ್ಪ ಬಡಿಸೆಂದೆ ಹರುಷದಿ |
ಬಿಸಿಯ ಹೋಳಿಗೆ ಮೊಸರನ್ನವ ಬಡಿಸೆಂದು |
ಹಸು ಮುದ್ದು ಕೃಷ್ಣ ಬಂದ ಒಳವಿಗೆ ಹರುಷದಿ ||೮||

ಬಂದ ಮಗನ ನೋಡಿ ಚಂದದಿ ಪಿಡಿದೆತ್ತಿ |
ಮುಂದಲೆಯ ತಿದ್ದಿ ತಿಲಕವ ಇಡಿಸುತ್ತ |
ತಂದು ಹೋಳಿಗೆ ಮೃಷ್ಟಾನ್ನವ ಬಡಿಸಿಹ |
ನಂದದೊಳಿರುತಿರ್ದರ್ಭುವಿಯೊಳಗೆ ಚಿರಕಾಲ ||೯||

Digital: Sudha Prasanna        Vocal: Girija, Mundigesara

Download:      Download PDF file      Download MP3 audio file

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s