|| ಶಿವನಿಗೆ ಆರತಿ ||
ಆರತಿಯ ಮಾಡುವೆವು ಮಾರಹರ ನಿನಗೀಗ ||ಪ||
ಸೇರುತೆಲ್ಲರೂ ಬಂದು ಭೂರಿ ತೋಷದೊಳು ||ಅ.ಪ||
ಶಂಕರಿಯ ಪ್ರಿಯ ಭಜಕ | ಸಂಕಟವ ಹರಿಸೆನುತ |
ಶಂಖ ಜಾಗಟೆ ಗೈವ | ಓಂಕಾರ ನಾದ ||೧||
ಕಪ್ಪುಗೊರಳನೆ ಪತ್ರೆ | ಪುಷ್ಪಗಳ ಅರ್ಪಿಸುತಾ|
ತಪ್ಪದೆ ಗೈಯುವೆವು | ಕರ್ಪೂರಾರತಿಯಾ ||೨||
ಕಂದುಗೊರಳನೆ ಮುಂದೆ | ತಂದಿಟ್ಟ ನೈವೇದ್ಯ |
ಬಂದು ಸ್ವೀಕರಿಸೆಂದು | ವಂದಿಸುವೆ ಜೀಯಾ ||೩||
ಪಾಪಹರ ಪರಮೇಶ | ರೂಪ ರವಿಯ ಪ್ರಕಾಶ |
ಪಾಪ ಹರಿಸಲು ತೋರ್ವೆವು | ಧೂಪ ದೀಪಗಳಾ ||೪||
ಮಲ್ಲಿಗೆಯ ಸುಮಗಳನು | ಚೆಲ್ಲುವೆವು ಮುಡಿಯಲ್ಲಿ |
ಉಲ್ಲಾಸದಿಂದ ಪೊರೆ | ಚೆಲ್ವ ರಾಮೇಶಾ ||೫||
Digital: Sudha Prasanna Vocal: Girija, Mundigesara
Download: 
Havya Kaavya 