|| ಸತ್ಯನಾರಾಯಣನಿಗೆ ಆರತಿ ||
ಅಷ್ಟದಳದ ಮಂಟಪದಿ | ಸೃಷ್ಟೀಶ ದೇವನ ಇರಿಸಿ |
ನಿಷ್ಠೆಯಿಂದಲಿ ಬುಧರೆಲ್ಲರು ಕೂಡಿ || ವಿಶಿಷ್ಟ ಮಂತ್ರಗಳಿಂದ ಪೂಜೆಯ ಮಾಡಿ |
ತಮ್ಮಿಷ್ಟದ ವರವ ದಯಮಾಡಬೇಕೆನುತಾಲೆ | ಕರ್ಪೂರದಾರತಿಯ ಬೆಳಗಿದ ||೧||
ಶ್ರೀಪತಿ ಪರಿವಾರಗಳು | ದೀಪಪ್ರಕಾಶದಂತಿರಲು |
ದೀಪ ಧೂಪ ಮಂಗಳಾರತಿ ಮಾಡಿ || ಸಪಾದ ಭಕ್ಷವ ನೈವೇದ್ಯಕೆ ನೀಡಿ |
ತಾಪರಹಿತ ಚಿದ್ರೂಪನಾದವಗೆ | ಧೂಪದಾರತಿಯ ಬೆಳಗಿದ ||೨||
ಸಾಗರ ತನುಜೆಯು ಸಹಿತ | ನಾಗಶಯನ ಕುಳ್ಳಿರಲು |
ನಾಗ ಯೋಗಾನಂದದಿ ವಿಬುಧರು || ತಮ್ಮಿಷ್ಟ ಭೋಗವ ಕರುಣಿಸಬೇಕೆಂದೆನುತ |
ಫೂಗ ಪುನ್ನಾಗ ತಾಂಬೂಲ ಸಮರ್ಪಿಸಿ | ಹೂವಿನಾರತಿಯ ಬೆಳಗಿದ ||೩||
ಮಂಗಲಂ ಸತ್ಯದೇವನಿಗೆ | ಮಂಗಲಂ ನಿತ್ಯ ನಿರ್ಮಲಗೆ |
ಮಂಗಲಂ ಮಂಗಲಂ ಪರಮಾತ್ಮನಿಗೆ || ಮಂಗಲಂ ಮಂಗಲಂ ತೇಜೋಮಯನಿಗೆ |
ಮಂಗಲಂ ಮಂಗಲಂ ಸಚ್ಚಿದಾನಂದಗೆ | ಮಂಗಳಾರತಿಯ ಬೆಳಗಿದ||೪||
ಮಂಗಲಂ ಸತ್ಯದೇವನಿಗೆ | ಮಂಗಲಂ ನಿತ್ಯ ನಿರ್ಮಲಗೆ |
ಮಂಗಲಂ ಮಂಗಲಂ ಪರಮಾತ್ಮನಿಗೆ || ಮಂಗಲಂ ಮಂಗಲಂ ಭವ ಭಯಹಾರಗೆ |
ಮಂಗಲಂ ಭವ ಭಯ ನಾಶಗೆ | ಮಂಗಲಂ ಕಮಲಾರಮಣ ಸತ್ಯೇಶಗೆ |
ಜಯ ಮಂಗಳಾರತಿಯ ಬೆಳಗಿದ ||೫||
Digital: Sudha Prasanna Vocal: Girija, Mundigesara