||ಶಿವ ಸ್ತುತಿ||
ಜಯದೇವ ಜಯದೇವ | ಜಯಮಾಂ ಗಿರೀಶ ||
ಸ್ವಯಂಜ್ಯೋತಿ ಬೆಳಗುವೆ | ಸಚ್ಚಿ ಸುಖ ತೋಷ ||ಪ||
ಸರ್ವರೊಳು ನೋಡಿದರೂ ನೀನಿಲ್ಲದಿಲ್ಲ |
ಊರ್ವಿ ಆಕಾಶ ದಶ ದಿಕ್ಕುಗಳೂ ಎಲ್ಲ ||
ಸರ್ವೇಶ್ವರನೆಂಬುವುದು ಸರ್ವಾಂಗವೆಲ್ಲ |
ಪಾರ್ವತೀಶ್ವರನೆಂದು ಬಲ್ಲವರೇ ಬಲ್ಲ ||೧||
ಸಕಲ ಸುಖ ದುಃಖ ಎಂಬುದು ನಿನ್ನಯ ಲೀಲೆ |
ಅಖಿಲ ಘಟಗಳೆಂಬುದು ನಿನ್ನ ಭೋಜನ ಶಾಲೆ ||
ಭಕ್ತಿ ಭಾವವೆಂಬುದು ಜ್ಞಾನದ ದೀಪಜ್ವಾಲೆ |
ಪ್ರಕಟಿಸುವಂತೆ ಎತ್ತುವೆ ನಿನ್ನಯ ಮೇಲೆ ||೨||
ಪರಿಶುದ್ಧಾತ್ಮಕ ದೇವ | ನಿರುತ ನಿರ್ದೋಷ |
ಸಕಲ ಜನರ ಹೃದಯ ಕಮಲ ನಿವಾಸ ||
ದುಃಖ ದಾರಿದ್ರ್ಯ ಭವ ಭಯ ದುಃಖ ವಿನಾಶ |
ಶ್ರೀ ಗುರು ವಿಮಲಾನಂದ ಶ್ರೀ ಮಾಂ ಗಿರೀಶ ||೩||
Keyboard: Sudha Prasanna Voice: Smt. Girija, Mundigesara